April 24, 2024

BHIM NEWS

Telugu News Channel

అనుమతులు లేని ఆయిల్ శుద్ధి కర్మాగారంలో అగ్ని ప్రమాదం

1 min read

భీమ్ న్యూస్ విజయవాడ ప్రతినిధి (మార్చి 26) కృష్ణ జిల్లా విజయవాడ నగర శివారు కానూరులో అగ్ని ప్రమాదం చోటు చేసుకుంది. ఇవాళ ఉదయం న్యూ ఆటోనగర్‌లోని ఆయిల్‌ శుద్ధి చేసే కేంద్రంలో భారీగా మంటలు చెలరేగడంతో ఆ ప్రాంతంలో పొగ దట్టంగా అలుముకుంది. స్థానికుల సమాచారంతో ఘటనాస్థలికి చేరుకున్న అగ్నిమాపక సిబ్బంది ఫైర్ ఇంజిన్లతో మంటలు ఆర్పారు. దాదాపు మూడు గంటలపాటు శ్రమించి మంటలను అదుపులోకి తీసుకొచ్చారు. అనుమతులు లేకుండా ఈ కర్మాగారాన్ని నిర్వహిస్తున్నట్లు తెలుస్తోంది. ఈ రోజు ఉదయం 8 గంటలకు ఈ ప్రమాదం చోటు చేసుకుంది. ఆ సమయంలో సిబ్బంది ఎవరూ లేకపోవడంతో ప్రాణాపాయం తప్పినట్లు నిర్వాహకులు తెలిపారు. ఆస్తి నష్టం భారీగా జరిగినట్లు అధికారులు అంచనా వేస్తున్నారు. షార్ట్‌ సర్క్యూట్‌ కారణంగానే ప్రమాదం జరిగినట్లు అనుమానిస్తున్నారు. ఘటనపై పూర్తిస్థాయిలో దర్యాప్తు చేపడతామని అగ్నిమాపక శాఖ ఏ.డీ. శ్రీనివాసులు తెలిపారు. వేసవి కాలంలో అగ్ని ప్రమాదాలు జరుగుతుంటాయి ప్రజలు చాలా అప్రమత్తంగా ఉండాలని చెప్పారు. ముందు జాగ్రత్త వహిస్తే పెను ప్రమాదాల నుంచి తప్పించుకునే అవకాశం ఉంటుందని తెలిపారు.

Leave a Reply

Your email address will not be published. Required fields are marked *