భీమ్ న్యూస్ ప్రతినిధి ఇందుకూరుపేట (నవంబర్ 06) నెల్లూరు జిల్లా ఇందుకూరుపేట మండలంలోని పున్నూరు, లేబూరు బీట్ -1 గ్రామాలలో మండల వ్యవసాయ శాఖ అధికారులు పొలం పిలుస్తుంది కార్యక్రమాన్ని నిర్వహించారు. ఈ సందర్భంగా మండల వ్యవసాయాధికారి డి. రఘునాథ రెడ్డి మాట్లాడుతూ పచ్చి రొట్టె పైరులలో జీలుగ ముఖ్యమైనదని, జీలుగ పంట నాటిన 40 రోజులకి పూత దశకు వస్తుందని తెలిపారు. పూతదశ తర్వాత జీలుగ మొక్క లను, రోటవేటర్ వేసి పొలంలో కలియ దున్నాలి. ఒక్క ఎకర పొలంలో 100 కిలోల సింగల్ సూపర్ ఫాస్పేట్ వేసుకొని బాగా దున్నుకోవాలి. ఇలా దున్నుకోవడం వల్ల జీలుగ మొక్కల అవశేషాలు బాగా పొలంలో కలుస్తాయి. తర్వాత వేసే ప్రధాన పంటకు రెండు శాతం నత్రజని మరియు ఫాస్ఫేట్ లను ఇది అందిస్తుంది. జింకు, మాంగనీష్, క్యాల్షియం, ఇనుము వంటి సూక్ష్మ ధాతువు లను కూడా అందిస్తుంది. నేలలో కరగని పోషకాలను కరిగించి పంటకి అందిస్తాయి. ఈ జీలుగ పొలంలో సాగు చేయటం వల్ల పొలంలో నీటి సామర్థ్యాన్ని పెంచుతాయి. తుంగ, గరిక వంటి కలుపు మొక్కల పెరుగుదలను అడ్డుకుంటుంది. RNR- 15048 వరి రకం పోసుకునే రైతులు నవంబర్ 15 నుంచి డిసెంబర్ 15 మధ్యనే నారు మరియు నాట్లు వేసుకోవాలని, అన్ని రకాల వరి విత్తనాలకు తప్పనిసరిగా విత్తన శుద్ధిని నిర్వహించుకుని, నారు పోసుకోవాలని రైతులకు తెలియజేశారు. ఈ కార్యక్రమంలో పున్నూరు పంచాయతీ కార్యదర్శి పి. సుమలత, గ్రామ వ్యవసాయ సహాయకులు నరేష్, గ్రామ రైతులు పాల్గొన్నారు.
పున్నూరు, లేబూరు గ్రామాలలో పొలం పిలుస్తుంది కార్యక్రమం

Featured Articles
Search
Author Details

Jenifer Propets
Lorem ipsum dolor sit amet, adipiscing elit, sed do eiusmod tempor ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
Leave a Reply