టీటీడీలో కాంట్రాక్టు ఉద్యోగాలకు ప్రకటన.

భీమ్ న్యూస్ ప్రతినిధి తిరుమల (నవంబర్ 09) తిరుపతిలోని తిరుమల తిరుపతి దేవస్థానం ఆధ్వర్యంలో నడిచే శ్రీ పద్మావతి చిల్డ్రన్స్‌ హార్ట్ సెంటర్‌ లో ఒప్పంద ప్రాతిపదికన ఖాళీగా ఉన్న వైద్య పోస్టులకు దరఖాస్తులను కోరుతోంది. వీటిలో పీడియాట్రిక్‌ కార్డియాక్‌ అనస్తటిస్ట్‌, పీడియాట్రిక్‌ కార్డియాలజిస్ట్‌ పోస్టులు ఉన్నాయి. అర్హత, ఆసక్తి ఉన్న హిందు మతానికి చెందిన అభ్యర్థులు ఆఫ్‌లైన్‌ విధానంలో అప్లయ్‌ చేసుకోవాల్సి ఉంటుంది. నవంబర్‌ 15 దరఖాస్తులకు చివరితేది. అభ్యర్థులు పూర్తి వివరాలకు Tirumala Venkateswara Temple అధికారిక వెబ్‌సైట్‌ https://www.tirumala.org/ చూడొచ్చును 

మొత్తం ఖాళీల సంఖ్య: 02

• పీడియాట్రిక్ కార్డియాక్ అనస్తటిస్ట్: 01
• పీడియాట్రిక్ కార్డియాలజిస్ట్: 01

ఇతర సమాచారం :

• అర్హత: ఎంబీబీఎస్‌/ఎండీ/డీఎన్‌బీ, పీజీ ఉత్తీర్ణతతో పాటు పని అనుభవం ఉండాలి. హిందూ మతానికి చెందిన అభ్యర్థులకు మాత్రమే అవకాశం ఉంటుంది.
• వయోపరిమితి: 42 ఏళ్లు మించకూడదు. ఎస్సీ/ఎస్టీ/బీసీలకు ఐదేళ్లు; ఎక్స్ సర్వీస్‌మెన్ అభ్యర్థులకు మూడేళ్ల సడలింపు ఉంటుంది.
• జీతం: నెలకు రూ.1,01,500- రూ.1,67,400 వేతనం ఉంటుంది.
• దరఖాస్తు విధానం: ఆఫ్‌లైన్ దరఖాస్తులను ‘ ది డైరెక్టర్, శ్రీ పద్మావతి చిల్డ్రన్స్‌ హార్ట్ సెంటర్, బీఐఆర్‌ఆర్‌డీ దగ్గర, తిరుపతి’ చిరునామాకు పంపించాలి.

నోటిఫికేషన్‌  :

వాటర్ అండ్ పుడ్ ల్యాబోరేటరీలో  :

మరోవైపు టీటీడీ ( తిరుమల తిరుపతి దేవస్థానములు) వాటర్ అండ్ పుడ్ ల్యాబోరేటరీలో ఒక పోస్టు భర్తీకి నోటిఫికేషన్ విడుదలైంది. HOD/Quality Manager పోస్టుకు దరఖాస్తులను స్వీకరిస్తున్నారు. 62 ఏళ్ల లోపు ఉన్న వారు దరఖాస్తు చేసుకోవచ్చు. ఈ పోస్టుకు అప్లికేషన్ చేసుకునే వారు.. కెమిస్ట్రీ, బయో కెమిస్ట్రీ, డైరీ కెమిస్ట్రీ, పుడ్ సెఫ్టీ, పుడ్ టెక్నాలజీలో కానీ మాస్టర్స్ లేదా పీహెచ్‌డీ చేసి ఉండాలి. సంబంధిత రంగంలో కనీసం పదేళ్ల పాటు పని చేసిన అనుభవం ఉండాలి.

నోటిఫికేషన్‌ 

అర్హులైన అభ్యర్థులు దరఖాస్తులను టీటీడీ అధికారిక వెబ్‌సైట్‌ https://www.tirumala.org/ నుంచి డౌన్లోడ్ చేసుకోవాలి. పూర్తి చేసిన తర్వాత మార్కెటింగ్ గోడాన్ ఫస్ట్ ఫ్లోర్, గోశాల పక్కన, తిరుమల- 517504 చిరునామాకు పంపించాలి. నవంబర్ 30వ తేదీని తుది గడువుగా నిర్ణయించారు. ఎంపికైన వారు కాంట్రాక్ట్ పద్ధతిలో రెండేళ్లు పని చేయాల్సి ఉంటుంది. అభ్యర్థులు పూర్తి వివరాలకు అధికారిక వెబ్‌సైట్‌, నోటిఫికేషన్‌ విడుదల చేసింది.