భీమ్ న్యూస్ ప్రతినిధి గార (డిసెంబర్ 10) శ్రీకాకుళం నియోజకవర్గాన్ని జిల్లాలోనే నెంబర్ 1 నియోజకవర్గంగా తీర్చిదిద్దాలనే లక్ష్యంతో ముందుకు సాగుతున్నామని శ్రీకాకుళం ఎమ్మెల్యే గొండు శంకర్ అన్నారు. రూరల్ మండలాలకు చెందిన ఎంపీడీఓలు, ఈఓపీఆర్డీ, విద్యాశాఖాధికారులతో కలసి నియోజకవర్గ సమస్యలపై జిల్లా పరిషత్ సమావేశ మందిరంలో మంగళవారం సమీక్ష నిర్వహించారు. ఈ సందర్భంగా ఎమ్మెల్యే మాట్లాడుతూ తాగునీరు, గ్రామాల్లో పరిశుభ్రత, సీసీ రోడ్లు, డ్రైన్ల నిర్మాణం, పంచాయతీ, సచివాలయ భవనాలు నిర్మాణం, గ్రేడియేషన్ ఆఫ్ పంచాయతీ, సెక్రటరీల పదోన్నతులుపై చర్చించామని తెలిపారు. జిల్లా పరిషత్ నుంచి మంజూరైన నిధులతో అభివృద్ధి పనులు ప్రారంభించాలని ఇప్పటికే అధికారులకు సూచించామని వివరించారు. ఆ పనులను ఆపవద్దని కొనసాగించాలని కోరామని, ఈ ఆర్థిక సంవత్సరంలో మరిన్ని నిధులను తెచ్చి అభివృద్ధి పనులను పూర్తి చేయాలని నిర్ణయించామన్నారు. జిల్లా కేంద్ర నియోజకవర్గంగా ఉన్నప్పటికీ గత పాలకుల నిర్లక్ష్యం కారణంగా ఎక్కడ వేసిన గొంగళి అక్కడే అన్న చందంగా పరిస్థితి నెలకొందన్నారు. శ్రీకూర్మం లాంటి పంచాయతీల్లో స్వాతంత్య్రానికి ముందు ఎటువంటి పరిస్థితులు ఉండేవో ఎప్పుడూ అలాంటి పరిస్థితులు ఉన్నాయన్నారు. కాలువలు, డ్రైన్లు, తాగునీరు, పరిశుభ్రం వంటి కనీస అవసరాలను సైతం తీర్చక పోవడంతో గ్రామమంతా అస్తవ్యస్థంగా తయారైందన్నారు. జడ్పీ నిధులతో రోడ్లు వేయాలని ఇప్పటికే సీఎం చంద్రబాబు నాయుడు సూచించారని ఎమ్మెల్యే శంకర్ తెలిపారు. వాటికి సంబంధించి ప్రణాళికలు సిద్ధం చేయాల్సి ఉందని, పంచాయతీరాజ్, మండలపరిషత్ అధికారులతో చర్చించి అభివృద్ది పనులు ప్రాధాన్యతా క్రమంలో చేపడతామని చెప్పారు. ఈ కార్యక్రమంలో ఆ యా శాఖల అధికారులు పాల్గొన్నారు.
నియోజకవర్గాన్ని నెంబర్ 1 గా తీర్చిదిద్దుతాం: ఎమ్మెల్యే శంకర్

Featured Articles
Search
Author Details

Jenifer Propets
Lorem ipsum dolor sit amet, adipiscing elit, sed do eiusmod tempor ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
Leave a Reply