భీమ్ న్యూస్ ప్రతినిధి గార (డిసెంబర్ 12) అంతర పంటల సాగుతో ప్రధాన పంటకు పెట్టుబడి కోసం అప్పులు కోసం వెళ్లాల్సిన పనిలేకుండా అంతర పంటలు ఆదాయాన్ని ఇస్తున్నాయని శ్రీకాకుళం ఎమ్మెల్యే గొండు శంకర్ అన్నారు. ఎంపీటీసీ తెలుకుటి ఎర్రారావు ఆధ్వర్యంలో శ్రీకాకుళం జిల్లా గార మండలంలోని పెద్దవత్సవలసలో చిన్నసన్నకారు రైతులకు 55 శాతం సబ్సిడీపై స్పింకర్లు, 90 శాతంపై డ్రిప్పులపై సబ్సిడీపై బుధవారం ఎమ్మెల్యే శంకర్ పంపిణీ చేశారు. ఐదు ఎకరాల కలిగిన రైతులకు కూడా 45 శాతం సబ్సిడీపై స్పింకర్లు, 50 శాతంపై డ్రిప్పులను అందిస్తున్నామని ఈ అవకాశాన్ని సద్వినియోగం చేసుకోవాలన్నారు. రైతులు ముందుగా రైతుసేవా కేంద్రంలోని రైతు వ్యవసాయ శాఖా సహాయకులు, ఉద్యనవన సహాయకులను సంప్రదించి ఏపీఎంఐపీ (ఆంధ్రప్రదేశ్ మైక్రో ఇరిగేషన్ ప్రాజెక్ట్) యాప్ లో రేజిస్టర్ చేసుకోవాలని చెప్పారు. తద్వారా నీరు ఆదా అవ్వడంతో పాటు కలుపు మొక్కల తగ్గించుకొని లేబర్ ఖర్చు, సమయం ఆదా పంట దిగుబడి పెంపొందించుకోవచ్చు అని చెప్పారు. నీటి ఎద్దడిని తట్టుకునే పంటలను రైతులు ఎంపిక చేసుకుని అంతర పంటలు వేయాలన్నారు. మెట్ట ప్రాంతాల్లో బోర్లపై వ్యవసాయం లాభసాటిగా మార్చుకోవాడానికి రైతులు ప్రత్యామ్నాయం వైపు చూస్తు న్నారని తెలిపారు. పెరిగిన పెట్టుబడులతో వ్యవసాయం భారమైందని, దీనితో రైతులు అంతర పంటలపై దృష్టి సారించి ఆదాయ మార్గం పెంచుకునేందుకు దృష్టి సారించాలని వివరించారు. వాణిజ్య పంటల్లో అంతర పంటలుగా కూరగాయలు, పూల సాగు చేపట్టి రైతులు లాభాలు ఆర్జిస్తున్నారని అన్నారు. వాణిజ్య పంటల రైతులు మార్కెట్లో ఫలసాయం అందే సమయంలో ప్రకృతి వైపరీత్యాలతో పంట లను కోల్పోవడం, గిట్టుబాటు ధర లభించక తీవ్రంగా నష్టపోతున్న నేపథ్యంలో అంతర పంటలు ఆర్థికంగా ఆదుకుంటున్నాయని ఎమ్మెల్యే తెలిపారు. ఈ కార్యక్రమంలో ఏపీఎంఐపీ ప్రాజెక్ట్ డైరెక్టర్ ఆర్ శ్రీనివాసరావు, మండల కూటమి నాయకులు పాల్గొన్నారు.
సబ్సిడీపై స్పింకర్లు పంపిణీ కార్యక్రమంలో ఎమ్మెల్యే గొండు శంకర్.

Featured Articles
Search
Author Details

Jenifer Propets
Lorem ipsum dolor sit amet, adipiscing elit, sed do eiusmod tempor ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
Leave a Reply