భీమ్ న్యూస్ ప్రతినిధి నాయుడుపేట(డిసెంబర్ 20) పార్లమెంటులో భారత రాజ్యాంగ నిర్మాత డాక్టర్ బి.ఆర్ అంబేద్కర్ పై అనుచిత వ్యాఖ్యలు చేసిన కేంద్ర మంత్రి అమిత్ షా బేషరతుగా జాతికి క్షమాపణలు చెప్పాలని నాయుడుపేట దళిత సంఘాల ఐక్యవేదిక నాయకులు డిమాండ్ చేశారు. శుక్రవారం నాయుడుపేట పట్టణం లోని డాక్టర్ బాబాసాహెబ్ అంబేద్కర్ విగ్రహం వద్ద దళిత సంఘాల ఐక్యవేదిక ఆధ్వర్యంలో నిరసన కార్యక్రమం చేపట్టారు. ఈ సందర్భంగా దళిత సంఘాల ఐక్యవేదిక నాయకులు మాట్లాడారు. కొన్ని వేల సంవత్సరాలుగా అంటరానితనం అనే మురికి కూపంలో మగ్గిపోతున్న అనేక మంది జీవితాలకు వెలుగు చూపిన మహనీయుడు అంబేద్కర్ అన్నారు. భారతదేశంలో అప్పటి వరకు లేని సమానత్వాన్ని సౌబ్రతత్వాన్ని స్వేచ్ఛను అందించిన మహనీయుడు అంబేద్కర్ ను పార్లమెంటు సభ సాక్షిగా హేళనగా మాట్లాడడం చాలా బాధకు గురి చేసిందన్నారు. భారత రాజ్యాంగ నిర్మాతను, రాజ్యాంగంపై చర్చ జరుగుతున్న తరుణంలో అలా మాట్లాడడం దేశ ప్రజలను దిగ్భ్రాంతికి గురి చేసిందన్నారు. ఇది తీవ్రమైన అమానుష చర్యగా పేర్కొన్నారు . అమిత్ షా తక్షణం భారత జాతికి, భరతమాత ముద్దుబిడ్డ, రాజ్యాంగ నిర్మాత ప్రపంచ మేధావి డాక్టర్ బి.ఆర్ అంబేద్కర్ కు భేషరతుగా క్షమాపణలు చెప్పాలని డిమాండ్ చేశారు. ఈ కార్యక్రమంలో దళిత సంఘాల ఐక్యవేదిక నాయకులు డివి కృష్ణయ్య, ఆమవరపు మురళీకృష్ణ, గుండాల పెంచలయ్య, జె.వెంకట్రావు, పేర్నాటి రామకృష్ణ, బందిలి మోహన్, విజయ్ కుమార్, పేర్నాటి భాస్కర్, కడూరు భాస్కర్, చిప్పల అల్లెయ్య, పర్వతాల రమణయ్య, కర్లపూడి యాదయ్య, కె.మురళి, పలువురు దళిత సంఘాల ఐక్యవేదిక నాయకులు, కార్యకర్తలు పాల్గొన్నారు.
అమిత్ షా బేషరతుగా క్షమాపణలు చెప్పాలి: దళిత సంఘాల ఐక్యవేదిక.

Featured Articles
Search
Author Details

Jenifer Propets
Lorem ipsum dolor sit amet, adipiscing elit, sed do eiusmod tempor ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
Leave a Reply