భీమ్ న్యూస్ ప్రతినిధి శ్రీకాకుళం (డిసెంబర్ 29) ఎన్డీఏ కూటమి ప్రభుత్వంతోనే అభివృద్ధి సాధ్యమని శ్రీకాకుళం ఎమ్మెల్యే గొండు శంకర్ అన్నారు. మండలంలోని రాగోలుకు చెందిన నాయకులు విశాఖ కాలనీలోని తెలుగుదేశం పార్టీ కార్యాలయంలో ఎమ్మెల్యే గొండు శంకర్ ఆధ్వర్యంలో పార్టీలో శనివారం చేరారు. ఈ సందర్భంగా పార్టీలో చేరినవారు మాట్లాడుతూ కూటమి ప్రభుత్వ పాలనలో సంక్షేమం, అభివృద్ధి సమాంతరంగా అందుతుందని చెప్పారు. గత వైసిపి పాలనలో అనేక ఇబ్బందులు ఎదుర్కొన్నామని, తమను కనీసం నాయకులుగా కూడా గుర్తించిన పాపాన పోలేదని ఆవేదన వ్యక్తం చేశారు. ఎమ్మెల్యే శంకర్ నాయకులకు, కార్యకర్తలకు గౌరవిస్తూ పార్టీని పటిష్టం చేస్తున్న విధానం తమకెంతగానో నచ్చిందన్నారు. నిరంతరం ప్రజల మధ్యన ఉంటూ, ప్రజా సమస్యలు తెలుసుకుంటూ వారికి అన్ని విధాలా అండగా ఉంటున్న శంకర్ నాయకత్వాన్ని ప్రజలు కోరుకుంటున్నారని పేర్కొన్నారు. ప్రజల అభీష్టం మేరకే తాము కూటమి ప్రభుత్వంలో చేరుతున్నమని వారంతా ముక్తకంఠంతో వివరించారు. నాయకుడు పదవులు ఉంటేనే ప్రజల మధ్యన ఉంటానడం సరికాదని, పదవి ఉన్నా లేకున్నా శంకర్ లాంటి నాయకులు ప్రజా సమస్యల పరిష్కారంలో ముందుంటారని మరోసారి రుజువు చేశారని పేర్కొన్నారు. ప్రజా సమస్యలు తెలుసుకుంటూ, నిత్యం అధికారులతో సమీక్షలు నిర్వహిస్తూ నియోజకవర్గ అభివృద్ధికి పాటుపడుతున్న శంకర్ లాంటి నాయకులు ప్రస్తుతం అవసరమని వారంతా తమ ఆనందాన్ని వ్యక్తం చేశారు. ప్రజా దర్బార్ లో ప్రజల సమస్యలను ప్రాధాన్యమిచ్చే శంకర్ నాయకత్వంలో పనిచేయడం తమకు అదృష్టంగా భావిస్తున్నామని తెలిపారు. పార్టీలో చల్లా రాజా, వెంకటరమణ, బాబు, చల్లా గోవిందరావు, చల్లా రూపచంద్రశేఖర్, కోటికుప్పల సురేష్ బాబు తెలుగుదేశం పార్టీలో చేరారు. వారికి ఎమ్మెల్యే శంకర్ పార్టీ కొండువలను వేసి సాధారణంగా ఆహ్వానించారు. ఈ కార్యక్రమంలో టిడిపి నాయకులు సీర రమణయ్య, చిట్టి మోహన్, గేదెల శ్యామలరావు, ఎండు చిన్నారావు, పంచిరెడ్డి అప్పలనాయుడు తదితరులు పాల్గొన్నారు.
కూటమి ప్రభుత్వంతోనే అభివృద్ధి సాధ్యం: ఎమ్మెల్యే గొండు శంకర్

Featured Articles
Search
Author Details

Jenifer Propets
Lorem ipsum dolor sit amet, adipiscing elit, sed do eiusmod tempor ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
Leave a Reply