అండగా ఉంటాం, అధైర్య పడొద్దు: మాజీ వలంటీర్ ను పరామర్శించిన పేరాడ తిలక్.

భీమ్ న్యూస్ ప్రతినిధి టెక్కలి (ఫిబ్రవరి 24) శ్రీకాకుళం జిల్లా టెక్కలి మండలం చాకిపల్లి గ్రామంలో సోమవారం టీడీపీ కార్యకర్తల దాడిలో గాయపడిన మాజీ వలంటీర్ జలుమూరు అప్పన్నను వైఎస్సార్సీపీ టెక్కలి నియోజకవర్గ ఇన్చార్జి పేరాడ తిలక్ పరామర్శించారు. దాడిలో తీవ్రంగా గాయపడి టెక్కలి జిల్లా ఆసుపత్రిలో చికిత్స పొందుతున్న అప్పన్నను పరామర్శించి దాడికి గల కారణాలను తెలుసుకున్నారు. అనంతరం తిలక్ మాట్లాడుతూ టెక్కలి నియోజకవర్గంలో టీడీపీ కార్యకర్తలు పథకం ప్రకారం వైఎస్సార్సీపీ నాయకులు, కార్యకర్తలు, దళితులపై దాడులకు తెగబడతున్నారని మండిపడ్డారు. దాడికి పాల్పడిన ఏ ఒక్కరిని విడ్చిపెట్టేది లేదని హెచ్చరించారు. దాడికి గురైన ప్రతీ ఒక్కరికీ అండగా నిలబడి న్యాయ పోరాటం చేస్తానని తిలక్ భరోసా ఇచ్చారు. వీరితో పాటు టెక్కలి మండల నాయకులు సత్తారు సత్యం, మాజీ ఏఎంసీ చైర్మన్ సుఖగుణమ్మ, సర్పంచులు వాన తవిటయ్య, మొర్రి శంకర్, కోరాడ కామేష్, ఎంపీటీసీ అందరు శ్రీను, సీనియర్ నాయకులు బొల్ల భాస్కర్ రావు తదితరులు పాల్గొన్నారు.