భీమ్ న్యూస్ ప్రతినిధి చిత్తూరు (ఫిబ్రవరి 26) చిత్తూరు జిల్లా, చిత్తూరు ఎమ్మెల్యే గురజాల జగన్ మోహన్ మహాశివరాత్రి పర్వదినం పురస్కరించుకొని బుధవారం పుణ్యక్షేత్రాలను దర్శించుకున్నారు. ప్రధానంగా పంచారామాక్షేత్రాలైన భీమవరంలోని శ్రీ సోమేశ్వర స్వామివారిని, పాలకొల్లులో శ్రీ క్షీర రామలింగేశ్వర స్వామివారిని, అమరావతిలోని శ్రీ అమరేశ్వర స్వామివారిని శాసనసభ ఉపసభాపతి కె. రఘురామ కృష్ణమరాజుతో కలిసి దర్శించుకున్నారు. అనంతరం విజయవాడ శ్రీ దుర్గా మల్లేశ్వరస్వామి వారిని దర్శించుకుని పూజలు నిర్వహించారు. తాడేపల్లిగూడెంలో ఏర్పాటు చేసిన రుద్రయోగ సహిత మహా కుంభాభిషేక, లక్ష లింగ సహిత ఆత్మ స్పటిక లింగ దర్శనం చేసుకున్నారు. ఎమ్మెల్యే వెంట అసెంబ్లీ నియోజకవర్గ పరిశీలకులు పి. సునీల్ కుమార్ ఉన్నారు.
Leave a Reply