భీమ్ న్యూస్ ప్రతినిధి కలువాయి (ఏప్రిల్ 13) నెల్లూరు జిల్లా కలువాయి మండలం తెలుగురాయపురం నుండి నూకన పల్లి గ్రామాల మధ్యన నిత్యం భారీ వాహనాల రాకపోకలు సాగించే కల్వర్టు సోమవారం వేకువ జామున కూలిపోయింది. ఒక భారీ వాహనం ఇసుక లోడ్ తో వెళుతుండగా ఈ ఘటన చోటు చేసుకుందని స్థానికులు సమాచారం. ఆ ఇసుకతోనే కూలిన కల్వర్టు ను కప్పేయడం గమనార్హం. దీంతో ఇరు గ్రామాల మధ్య రాక పోకలు నిలిచి పోయాయి. కూలిన కల్వర్టు ప్రాంతానికి రోడ్లు భవనాలు శాఖ అధికారులు చేరుకుని సందర్శించారు. కుంగిన కల్వర్టు ను రోడ్లు భవనాలు శాఖ ఈ.ఈ. వై. మురళికృష్ణ పరిశీలించారు. ఈ ప్రాంతంలో తీసుకోవలసిన జాగ్రత్తలను మండల స్థాయి ఉద్యోగులకు సూచించారు. ఈ కార్యక్రమంలో ఆర్ అండ్ బి ఏ.ఈ. అన్వేష్ తో పాటు సంబధిత శాఖా అధికారులు పాల్గొన్నారు.
Leave a Reply